informazioni|progetto|link|home|

Della Porta, Giovan Battista

Coelestis Physiognomoniae libri sex

Fuit Attila inhumano lucidoque pallore ac efferi oris monstruoso
ductu, torva oculorum nictatione terribilis ac tota forma saevitiem
spirans, ut terrifico nomine Dei flagellum appellaretur; fuit sui saeculi
funesta clades urbiumque portentosus evastator ut ad humani generis
excidium non alio lictore opus est, ad immortalem potentiae et
saevitiae gloriam supervectus est, tamen sanguine per nares erupto,
coniugale totum foedavit et, suo sanguine strangulatus, interiit.
Mars in secunda facie Leonis apparet tristis, anxius et doloribus
plenus, percutit caput, propria manu dilacerat barbam suam. Maternus:
Quicunque Martem in Leone habuerint, erunt homines potentes,
audaces, fortes et qui equestri praeapte iaculatione delectentur, facie
tristes erunt, solliciti et multum cogitabundi et qui saepius aliquo
dolore perculsi et caput plangant et pectora pugnis obtundant ac
perplexi barbam manibus suis cogitationibus permulceant.
Fuit et Diomedes, ut Dares narrat, austero vultu, sed corpore ho-
nesto, quadrato, iracundus, bellax, audax, clamosus, vividus et impa-
tiens.
Nepos:
Voce ferox, animo praeceps, fervente cerebro
Ardentique ira calidus, quadratus in artus,
Tytides plenis meretur tidea factis
Sic animo, sic ore fero, sic fulminat armis.
Hali: Mars, in prima facie Virginis, est turpis aspectus, moesti
vultus, diu servat iram. In secunda et tertia facie est caecus, debilium
membrorum, mali negotii, semper defectivus, vilis et senex. Maternus:
Quicunque Martem in Virgine habuerint, homines erunt turpissimi
foedissimique aspectus, gravissimae iracundiae, sed eam intra pectus
suum diutissime continentes et qui audaci semper animo in res
quascunque ab aliis intentatas ferantur. Sed cum ad secundum geniturae
trigonum Saturnus pervenerit, ad coecitatem fortasse et membrorum
laesionem aliquam devenient, erunt quoque pauperes, obscuri malisque

pagina successiva »