informazioni|progetto|link|home|

Della Porta, Giovan Battista

Coelestis Physiognomoniae libri sex

negotiis impediti et qui vix sibi necessaria vitae possint alimenta
subministrare.
Mars, in prima et secunda facie Librae, emittet balistam, tenet
arma, timetur et est bonae existimationis et honestus. In tertia facie
iocationes, hilaritates diligit, cantiones, quietem, comedere et bibere.
Mars, si fuerit inventus in Libra, homines erunt boni aspectus, pulchrae
formae, delitiis dediti et qui armis praecipue delectentur atque eque-
stri iaculatione laborent, sed cum ad alterum geniturae trigonum
Saturnus devenerit, tunc iocosis conviviis laevique sodalitiis versabun-
tur, tunc ioculationes, cantusque exercebunt, tranquillo vitae genere
foelicissimo perfruentes.
Mars in tertia facie Sagittarii erit effoeminatus et derisor, assimilatur
mulieribus in debilitate, pigritia et loquela, vestibus et se comando.
Maternus: Si Mars in Sagittario fuerit inventus, homines erunt molles,
effoeminati ac in actibus suis plurimum pigri et inertes, vocis quidem
foemineae, debiles quoque ac muliebri apparatu gaudentes. Sed cum
Saturnus primum geniturae trigonum transierit, erunt audaces, fortes,
magnanimi et in magnis negotiis occupati et qui viribus et magnani-
mitate sua facile ad omnibus timentur.

Caput XXVII.
De forma et viribus Veneris in signis zodiaci.

Hali: Venus, in omnibus partibus Arietis, est defectiva, tristis,
doloribus plena, anxia, pauper, defectiva eveniunt ei impedimenta et
occasiones, gravamina et cogitatus. Maternus: Venus si in Ariete
fuerit inventa, erunt homines tristes, solitari, anxii, vitiati corpore et
animo pauperes et mendici et quibus plurima noceant diversarum
calamitatum impedimenta. Erunt hi quoque multae cogitationis et
varii discursus.
Si Venus in Geminis fuerit inventa, ex Materno: erunt formoso
delectabilique aspectus, omnibus maxime grati, homines erunt boni
bonamque in omnes voluntatem habentes et qui maximo quodam

pagina successiva »