informazioni|progetto|link|home|

Della Porta, Giovan Battista

Coelestis Physiognomoniae libri sex

pietatis ardore omnibus hominibus et pauperibus praecipue et afflictis
subvenire conentur, erunt quoque sapientes, astuti, ingeniosi, facundi.
Hali: Venus, in omnibus partibus Leonis, est debilis membris,
pauper, defectiva, malorum et diversae formae ac naturae. Maternus:
Quicunque sic eam habuerint, erunt pauperes, negletti, corpore vitiati,
diversae variaeque naturae et qui diversa, ut plurimum fortuna
constituti, crebris saepius laboribus fatigentur.
Venus in omnibus partibus Virginis est doloribus plena, anxia, tristis
debilium membrorum, associatur pauperibus, egentibus ac habentibus
membra infirma. Maternus: Homines erunt semper tristes, anxii,
solliciti, luctuosi et qui corpore et animo vitiati, egenis ut plurimum,
et infirmis hominibus socientur.
Venus, in omnibus partibus Capricorni, diligit iocationes, bibere,
inebriari, canere, res formosas, societatem et est bonae staturae. Mater-
nus: Si Venus in Capricorno fuerit inventa, homines erunt honesti,
placidi, alachres, ioculatorum, cantuum, sodalitatumque amatores,
bonae staturae, pulchri aspectus et qui conviviis potissimum delectentur
resque formosas et ornatas ament.

Caput XXVIII.
De forma et moribus Mercurii per aliqua zodiaci signa.

Mercurius, in omnibus partibus Scorpionis, est pulcher, compositus
et bonae formae, timetur et est pulchrarum vestium, boni equitatus,
ornatus et splendidus. Maternus: Mercurius si in Scorpione fuerit
inventus, homines erunt satis pulchri ac venusti, bene compositi, bonae
apparentiae et qui ornatis vestibus delectentur, bene morati, honesti et
liberales et, qui praecipue timeantur, a multis et assiduis gaudeant
equitationibus.
Mercurius, in omnibus partibus Piscium, est pulcher, acutus, intel-
ligens, ornatae formae, formosarum vestium, corpore completus et
membris, honestus, honoratus et fortis. Maternus: Si Mercurius in
Piscibus fuerit inventus, homines erunt pulchri, acuti, intelligentes,

pagina successiva »