Della Porta, Giovan Battista

Coelestis Physiognomoniae libri sex

prosperum non habebit effectum. Praetera astrologi quibuscunque
corporis partibus planetas praeesse volunt. Ptolemaeus:

Saturnum
possidere auditum dextrum, splenem, vesicam et phlegma; Iovem
tactum, pulmonem, costas, cartilagines et sperma; Martem sinistrum
auditum, renes et testiculos; Venerem odoratum, epar, carnem; Mer-
curius locutionem, deliberationem, memoriam, linguam, fel et nares;
Lunam gustum, deglutivam, stomachum, ventrem, mulierum pudenda
et omnia sinistrae partis membra. Unde quia auris dextra a Saturno
possidetur, promittere libere potest sibi haereditatem et divitias ex
nigro signo in aure dextra.

Caput VI.
De naevo in supercilio et in pectine et extra supercilia.

Et Hali Aberangel ait:

Si homini videris notam inter supercilium
et palpebras, alteram notam habebit in vultu inferiori et alteram inter
umbilicum et pendile, et hoc vaticinium ex astrologicis rationibus
desumpsit; nam pectini praeest Scorpio, cui Mars dominatur, et Mars
in Scorpione, ut ex Materno habetur:

facit viros mulieribus deditos,
ut omni posthabita pudoris honestate et illis quandoque vim inferre
conentur et cum eis saepius irati lites exerceant, demonstrat enim
mulierosum hominem et quibus vim inferre conetur, etiam usque ad
naevum, unde multas ducturus uxores et, cum multis mulieribus
tractabit, satis infoeliciter. Dares Phrygius narrat Helenam notam inter
duo supercilia habuisse.
Cornelius Nepos ita vertit:

Sola superciliis labes interflua raris
Audaci macula tenues discriminat artus.
Hinc antiquitus orta opinio existimatur quem naevum inter
supercilia habuerit, male fuisse marito fida. Et ut ex Hali superius

pagina successiva »

p. 143