informazioni|progetto|link|home|

Della Porta, Giovan Battista

Coelestis Physiognomoniae libri sex

veneficos et efferatos homines indicant, unde horribiles eventus et
pessimas mortes pronunciant, ut diximus in Physiognomonia.

Caput XVI.
De naevis in manibus, pedibus et virga quid portendant.

Naevus in manibus utriusque foecundus in sobole procreanda
monet viros et foeminas, ex Melampo. Idemque: Naevus in pedibus
utriusque conspectus liberorum plurimae in ipsis foecunditatis signum
est. Sed quemadmodum diximus in Physiognomonicis brachia et crura
eandem subeunt rationem, sic manus et pedes et qui in manibus
signatus erit, idem et scroto, sed, qui in scroto signati, luxuriosi et
foecundi sunt. Mars etiam in ascendente dat signum in pede dextro,
occidente in sinistro. Et Hali dixit: Si videris notam in manibus,
aliam videbis in scroto et pendilibus.

Caput XVII.
Naevus in lumbis quid portendat.

Si tam maris, quam foeminae naevus in lumbis adhaerebit, uterque
inopia et generis infoelicitate premetur. Ipse ab astrologis causam petit,
lumbis enim Libra praeest uti Venus dominatur. Sed si in sinistra
parte signatus erit, Venerem demonstrabit infoelicem et, qui eam
contrariam habebunt, non mediocria patientur detrimenta et adversi-
tates, idque ex rebus venereis. Possumus et astrologicam causam addu-
cere ex Materno. Ait enim: Iuppiter in Libra dat quoddam signum
in corpore. Idemque de Iove loquens in Libra.

Caput XVIII.
Naevi in pectore quid notent.

Melampus ait: cum naevum in pectore uterque gestat, paupertatis

pagina successiva »