informazioni|progetto|link|home|

Della Porta, Giovan Battista

Coelestis Physiognomoniae libri sex

Luna et Sol inimica radiatione eas sauciabunt, sine auxilio fortunarum,
sunt causae monstruosorum. Sed quid optimi vel boni saltem in
moribus, in fortuna et vita portendere poterant? Sed ad physicas
rationes reducendo, tanta humorum, complexionum et qualitatum di-
screpantia et contrarietas, ex qua monstra, et non naturae ordine gene-
rata, quomodo bonos mores, vitam, fortunas portendere poterunt?
Legimus in historiis, monstra illico nata regni amissionem praedixisse,
mortes, pestes, praelia, sanguinis effusiones et tunc expirasse, idque
naturali evenit ratione; nam praeter naturae ordinem nati, brevissimae
sunt vitae et anima, quicquid longo tempore factura erat, hoc brevi
temporis intervallo demonstrat et melancholici etiam prope morituri
futura solent divinare.

Caput V.
De longioribus et brevioribus viris.

Loquendum de iis hominibus qui longitudine super alios attollantur
et de breviori statura praeditis, quid morum et vitae contingentium
portendant. Ptolemaeus in Centiloquio: Dominus geniturae in subli-
mitatibus et horoscopi ipsorum in signorum principiis et in signis
rectae ascensionis, longioris staturae natos producit. Haec quoque ex
coelesti physiognomonia apparent et a similitudine quoque desumptum
est: nam, quando Sol vel alter planeta in sui deferentis auge, in subli-
mi orbis elevatione, quia maxime a nobis longe abest, longos homines
facere, et cum in opposito augis atque prope nos est, breves corpore
facere. Et in signis rectae ascensionis videntur recte ascendere; ob id
rectos facere et longos; in tortuosis vero breves. Idem quoque initio
signorum. Rectae ascensionis signa sunt, quae, dum in sphaera obli-
qua ascendunt, plus temporis occupant quam cum minori arcus
aequinoctialis, quam eclipticae peroriuntur et sunt ab initio Cancri
usque ad finem Sagittarii. Sed hoc, non ex astrorum principiis, sed
naturae. Planetae autem, quae longe a nobis absunt, levius operantur
et sunt effoetarum virtutum, ob id languidos, imbecilles et emasculatos;
contra autem breves, quia virtutes arctius coguntur in corpore, fortiores

pagina successiva »