Della Porta, Giovan Battista

Coelestis Physiognomoniae libri sex

Ioannis Baptistae Portae Neapolitani
Coelestis Physiognomoniae liber secundus

Prooemium

Nunc formas conscribemus, quas astrologi dicunt a planetis
simplicibus et mixtis evenire fortunatas et infoelices, postea de reliquis.
Veteres philosophi has secundas stellas vocabant, nostris corporibus a
superioribus impressas: quorum opiniones passim coarguemus ac
nostras semper assignabimus. Conabimur in sequentibus fixarum
stellarum tradere, et quae in zodiaco et quae extra fuerint, ac signorum
et planetarum mixturas.

Caput I.
Quam formam Saturnus largiatur ex genethliacis.

Ut a Saturno incipiamus, Ptolemaeus de eius forma loquitur hoc
modo: quando Saturnus solus fuerit dispositor orientalis, hominem
facit:

mellei coloris, mediocris crassitiei, pulchrorum et nigrorum
capillorum, et in pectore spissorum, mediocrium oculorum et aptae
corporis magnitudinis. Sed postquam a Ptolemaeo facile astrologorum
principe initium duximus, pergamus et breviter caeterorum scita
percurrere. Iulius Maternus:

Homines facit extenuati corporis, palli-
di languidique coloris. Messahalla hominem formare dicit coloris
inter nigrum et croceum qui ambulando terram aspiciat, tardus et
ponderosus, parvis oculis et curvis pedibus praeditus, nervosa et sicca
cute obductus, raram in maxillis barbam habens et labia crassa et
depressis naribus. Leupoldus Huc afferre licet Cassandrae formam,

pagina successiva »

p. 23