Della Porta, Giovan Battista

Coelestis Physiognomoniae libri sex

Alii tribuunt eis dentes male ordinatos et pectus augustum: unde haec
non ex stellis, sed ex ipsa proveniunt temperie, ut dogmata medicorum
sanciunt.

Caput IV.
De moribus quos foelici Saturno ascripserunt astrologi.

Ascribens saturniis suos mores Ptolemaeus ait:

Saturnus orientalis
frigidam et siccam largitur complexionem. Maternus: frigidae natu-
rae dicit. At si geniturae dominus opportune locatus sit et ei domi-
nium crescens Luna decreverit, facit homines inflatos spiritu, sublatos
honoribus, bonos bonique consilii et quorum fides bono semper con-
silio comprobetur et qui negotia omnia recti iudicii rationibus com-
pleat, ab uxoribus et filiis alienos, sed sibi solum vacantes circa aquas
vel in aquosis locis habentes vitae subsidia, modicum sumentes cibum
et potione nulla gaudentes. Vita eorum erit laboriosa, sollicita et
assiduis animi doloribus implicata. Et alibi:

Iste qui nascitur, erit
prior omnibus fratribus aut, si quis ante eum natus fuerit, a parentibus
separabitur. Stabilis amicitia, longa providentia, regale consilium, longas
in homine cogitationes secretarum rerum, altum intellectum ac
profundam rerum scientiam. Hali dicit:

Si orientalis fuerit, vincet in
eius complexione frigiditas et humiditas. Abdila: Saturnus si erit
optime constitutus largitur scientiae profunditatem et consilium adeo
perfectum ut meliorari non possit. Eorum magisteria erunt laboriosa
et aquosa ut pontes, piscinae et emissaria. Alchabitius:

Quem amare
coeperint, perfecta et vera dilectione amabunt; et quem edisse coepe-
rint, quod saepius contingit, maxime et diu odio habebunt. Hali:

Si
Saturnus fuerit dominus significationis spiritus, per se et separatim, et
in bono coeli statu, sicut in angulis, producit morigeratum natum,
boni consilii, profundi intellectus ut qui a seipso suis in rebus consilium
inierit, divitem, regibus carum et claris hominibus, thesaurorum
dominus, compositus, non ridens, non tristis nec invidus. Messahalla:
Callidus, ingeniosus, occisor clandestinus.

pagina successiva »

p. 26