Bodin, Jean
Colloquium Heptaplomeres. De rerum sublimium arcanis abditis
Coronaeus: Habemus Toralbae demonstrationem, non modo de
an-
gelorum ac daemonum corporea natura, verum etiam praeter Deum
nullam
substantiam incorpoream esse; sed quaeri possit, an daemonum et
angelorum
cum mentibus humanis essentia sit eadem?
Curtius: Puriorem esse angelorum quam daemonum essentiam et
corpora lucidiora, docet Augustinus: A$ngelis,
inquit, malis mutata sunt in
casu corpora in deteriorem qualitatem aėris spissioris. Idem: Tenuia, inquit,
angelorum corpora in deteriora ac spissiora transformata sunt, quibus
ab igne
pati possint.
Toralba: Porphyrius in antro Homerico scribit, angelos ac daemones
aėreo corpore constare ac vestiri, ut ab ignibus patiantur, idque
affirmans
Philoponus: Alioquin, inquit, intellectualis
natura nihil pateretur
.
Senamus: Si nulla sunt organa sensuum,
nulla visus, tactus, gustus
instrumenta et ne ulli quidem in aėre nervi, a quibus sensum
haberemus,
nullum cerebrum, unde nervi oriuntur; quonam modo aėreae mentes
ab
ignibus paterentur? Item si mentes humanae ignea constant natura, ut
ille innuit hoc versu:
Igneus est illi vigor et coelestis origo
,
nihil ignis ab igni pati potest. Multo minus si aėrea compage
coalescunt;
alioqui totus aer quantus est, pridem flammis consumtus interiisset.
Sin
mentes separatae aquea constant natura; flammas potius
exstinguerent, quam
ignium vim sentirent.
Octavius: Vetustissima est opinio, animas
ignea constare natura,
ac propterea Synesius in epistola quadam ad
Cyrenesium pontificem eos,
qui extrema naufragia extimuerant, siccas exeruisse vaginas scribit,
ut
animam, ne mergeretur, eiicerent, idque ab Homero significari, ac propterea
Philostratum scripsisse, nunquam ante Aiacem Oileum, qui
submersus inter-
ierat, demersis hominibus parentari consuevisse. Inde vox Sibyllae ad Pa-
linurum:
Tu Stygias inhumatus aquas amnemque
severum
Eumenidum inspicies ripamve iniussus
adibis?
Num igitur Philo verius, qui daemones
appellat chorum corporis expertium
animorum, aut cur Ebraei animam, quae
corpori superstes evolavit, viduam
appellarent, si alio adhuc corpori coniuncta esset, cadavere priori
deserto?
Neque enim recte diceretur mens vidua, si relicto cadavere alteri
corpori
quasi secundis nuptiis copularetur.
Fridericus: Si Senami argumentum necessarium esset, quo sensibus
animas, daemones, angelos vacare concludit, ne Deus ipse quidem
audiret
pagina successiva »
p. 44