Bodin, Jean
Colloquium Heptaplomeres. De rerum sublimium arcanis abditis
civitas populosissima et mercatorum peregrinorum multitudine
abundantissima.
Cum portu solveremus, flabat Vulturnus,
quem Graeci Euronotum,
ni fallor,
Aegyptii Syrochum a
Syria, unde spirat, Horatius
album Notum vocat,
illamque serenitatem nobis invexit, quam ille describit hoc versu:
Albus ut obscuro detergit nubila coelo
Saepe Notus
qui ab Homero eodem sensu ἀργέστης vocatur,
Curtius: Idem tamen Argestes nostras Galliae
Narbonensis regiones
tanta vi quatit, ut saxa volvere, silvas et domos eruere consueverit,
quem
incolae etiamnum Albanum vocant, eodem
quo a maioribus nostris nomine
appellatum fuisse scribit Plinius.
Octavius: At vim eius venti principio
leniorem ita progressu temporis
percipimus vehementiorem, sed cum longius ab omnibus littoribus
abessemus,
Circius inter Coros omnes rapidissimus, qui
ob id ab Homero ἀργέστης δυσαὴς
appellatur, Vulturno plane contrarius
tempestatem excitavit, unde commoti
fluctus tanto impetu latera navis quatere inceperunt, ut contractis
velis
iacturam facere cogeremur mercium graviorum. Iam procella diem
noc-
temque navigium afflixerat, cum desituram nautae sperarent, quia
tempestatem
validiorem eo spatio finiri, rarissime biduum, nunquam triduum
excedere af-
firmabant; multo violentius tamen quam antea fluctus intumuerant,
contrario
flatu conspirantibus ventis.
Senamus: Didiceram ab Aristotele, ventos impetu contrario simul
numquam spirare.
Octavius: Hoc forsitan Aristoteles scripsit in umbra Lycei, non in
scholis nautarum, qui gravissimas procellas non aliter quam contrario
ven-
torum flatu cieri tradunt. Hinc illa Maronis:
Una Eurus Notusque ruunt creberque
procellis
Africus
;
Item Horatii:
Nec timuit praecipitem Africum
decertantem Aquilonibus
;
Item Virgilii:
Luctantes ventos tempestatesque sonoras
;
Nec aliter Homerus Africum et Aquilonem
conspirantes facit:
ὡς δ'άνεμοι δύο πόντον ὀρίνετον ἰχθυόεντα,
βορὲης καὶ ζέφυρος.
Quae cum satia intelligeret nauclerus, qui nos antea forti animo
meliora
sperare iusserat, attonitus et, ut ait ille,
Victus violento navita Coro
.
pagina successiva »
p. 7