Theages »
Bodin, Jean Colloquium Heptaplomeres - p. 108
Bodin, Jean
Colloquium Heptaplomeres. De rerum sublimium arcanis abditis
Salomo: Jesaiae
locum perperam interpretatum prius aperuisse nobis
videmur, Ezechielis autem visio non esset, si
nihil aliud, quam quod vi-
detur, significaret. Ut si quis scalam Jacobi,
quae, a terra ad coeli verticem
pertingebat, scalam fuisse putet, a vero sensu aberrabit. Itaque
visionem
acceptam vates explicans: Ossa haec, inquit, sunt Israėlitae,
qui queruntur, ossa sua exaruisse, spem etiam periisse,
cum scilicet exules ab hostibus abducti sint.
Coronaeus: Si nullus est animorum
mortuo corpore interitus, qui
fieri potest, ut resurrectio de mentibus intelligatur? Id enim resurgere
di-
cimus, quod caduca sui natura collapsum rursus erigitur. Ac mens
humana
nec moritur, cum sit cadaveri superstes, nec cadit, igitur ne resurget
quidem. Sin occultis quibusdam Dei iudiciis quaedam impiorum
mentes in-
tereunt penitus nec ullam resurgendi spem habent, resurrectio tamen
utroque
modo de cadaveribus interpretanda nobis videtur.
Octavius: Probabilior esset eorum
sententia, qui resurrectionem im-
piorum ab impietate ad pietatem, a vitiis ad virtutem interpretantur,
ex his
Christi verbis: Qui crediderit in me, transiit
de morte
in vitam
. Sic etiam Pythagorei sepulcra
sceleratis quasi mortuis
erigebant.
Fridericus: Hanc haeresin refellit Tertullianus his verbis: Qui-
dam resurrectionem iam esse factam asseverant et futuram
mortuorum re-
surrectionem imaginariam fictamque distorquent, nullam aliam esse
rati, quam
quae iam facta est fitque quotidie, cum quis, mortis, scilicet
damnationis, se-
pulcro relicto, in quo mortuus iacebat, Dei accepta cognitione, quae
animas
reducit in vitam, Deo resurgit. Cuius haeresis principes fuere Hymenaeus
et Philaetus, quos Paulus ad Timotheum refellit
et Augustinus his verbis:
Nec eos audiamus, qui carnis resurrectionem negant, non
intelligentes id,
quod ait apostolus, oportere corruptibile hoc induere incorruptibile et
mortale hoc induere immortalitatem. Quod cum fiet, non erit caro et
san-
guis, sed coeleste corpus.
Octavius: Si coeleste corpus erit, non
caro, non sanguis erit, in-
visibile corpus perinde ut coelum erit intellectuale quoddam sine
cute, sine
carnibus, sine ossibus, sine pulpa, sine visceribus, sine dentibus. Nam
si
resurgerent ipsa cadavera, frustra scriptum esset, beatorum animas
an-
gelis similes futuras, cum angeli humana figura, coelesti quadam
essentia
convestiantur. Cum enim Sadducaei quidam
Epicuraei Christum
rogarent,
Cuius esset uxor, quae septem maritis nupsisset vicissim, Christus corporeas
pagina successiva »
p. 108