Agrippa von Nettesheim, Heinrich Cornelius

De occulta philosophia libri tres

hominibus sunt communia suntque mediantes ministri. Verum
Athanasius

praeter Thronos, Cherubinos, Seraphinos, Deo proxi-
mos illumque indesinentibus hymnis et irrequieta laude ma-
gnificantes et pro nostra salute orantes, septem alios nuncupat or-
dines, quos communi vocabulo vocat militiam coeli. Horum primus
est ordo doctrinalis, ex quo fuit ille qui locutus est Danieli inquiens:

"Veni ut docerem te quae ventura sunt populo tuo in novissimis
diebus"; deinde est ordo tutelaris, de quo etiam in Daniele legitur:

"Ecce Michaël, unus de principibus, venit in adiutorium meum"
et ibidem:

"In tempore illo consurget Michaël, princeps magnus,
qui stat pro filiis populi tui": eius ordinis fuit etiam Raphaël ille, qui
duxit et reduxit Tobiam iuniorem; post hunc est ordo procuratorius,
cuius mentio est in libro Iob, ubi legitur:

"Si fuerit pro eo angelus
loquens, deprecabitur Dominum et placabilis ei erit" et de eisdem
exponitur etiam quod scriptum est Ecclesiastici decimo sexto capite
circa finem:

"In iudicio Dei opera ipsius ab initio et ab institutione
hominum ipsarum distinxit partes illorum et initia eorum in genti-
bus suis; ornavit in aeternum opera illorum nec esurierunt nec
laboraverunt et non destiterunt ab operibus suis, unusquisque
proximum suum non angustiabit usque in aeternum"; sequitur
ordo ministerialis, de quo Paulus Ad Hebraeos inquit:

"Nonne
omnes sunt administratorii spiritus, missi propter eos qui haeredita-
tem capiunt salutis?"; posi hos est ordo auxiliaris, de quo apud
Esaiam legitur:

"Egressus est angelus Domini et percussit in castris
Assyriorum centum octaginta quinque milia"; hunc subsequitur
ordo animarum receptivus, de quo legitur apud Lucam:

"Anima
Lazari portata per angelos in sinum Abrahae" et ibidem

docemur
ut faciamus nobis amicos de Mammona iniquitatis, qui nos recipi-
ant in aeterna tabernacula; porro est ordo adsistentium, de quo
legitur apud Zachariam:

"Isti sunt duo filii olei splendoris, qui ad-
sistunt dominatori universae terrae" . Hebraeorum autem theologi
aliter hos ordines numerant nuncupantque: nam supremo loco sunt

pagina successiva »

p. 451