informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

quos vocant היוֹת הקדש, id est 'animalia sanctitatis' sive 'vitas', per
quos Deus אהיה essendi munus largitur; succedunt secundo loco
Ophanim אופנים, id est 'formae' seu 'rotae', per quos Deus יהוה
chaos distinguit; tertio loco sunt Aralim אראלים, 'angeli magni,
fortes et robusti', per quos tetragrammus Elohim pronuntiatus (sive
tetragrammus cum he coniuncto) היהוה formam fluxae materiae
ministrat; quarto loco sunt Hasmalim חשמלים, per quos El אל Deus
corporum effingit effigies; quintus est ordo Seraphim שרפים, per
quos Deus Elohim Gibor אלהים גיבר elementa depromit; sextus
Malachim מלאכים, id est 'angelorum', per quos Deus Eloha אלוה
metalla producit; septimus Elohim אלהים, id est 'dii', per quos
Deus tetragrammus Sabaoth יהוה צבאות producit vegetabilia; octa-
vus Bne Elohim בני אלהים, id est 'filii deorum', per quos Deus
Elohim Sabaoth אלהים צבאות procreat animalia; nonus et infimus
Cherubim כרובים, per quos Deus Sadai שדי genus hominum curat;
sub istis est ordo animasticus, dictus Issim אישים, id est 'heroës, viri
fortes et beati', per quos Deus Adonai אדני prophetiam largitur.>

<De ordinibus malorum daemonum eorundemque casu et naturis variis.
Cap. XVIII>

<Sunt etiam ex theologorum schola qui malos daemones in novem
gradus distribuunt veluti ipsis novem angelorum ordinibus adver-
santes. Horum itaque primi sunt qui pseudothei, hoc est 'falsi dii',
nuncupantur, qui Dei nomen usurpantes pro diis coli volunt,
sacrificia et adorationes expetunt, sicut daemon ille qui ait ad
Christum: "Si cadens in terram adoraveris me, dabo tibi haec
omnia", ostendens illi omnia regna orbis terrarum: atque horum
princeps est ille qui dixit: "Ascendam super altitudinem nubium et
similis ero Altissimo", qui ideo vocatur Beelzebub, hoc est 'vetustus
deus'. Hos secundario sequuntur spiritus mendaciorum, cuiusmodi
fuit ille qui egressus est spiritus mendax in ore prophetarum Achab:
et horum princeps est serpens ille Python, a quo Apollo Pythius

pagina successiva »