Agrippa von Nettesheim, Heinrich Cornelius

De occulta philosophia libri tres

quam etsi neuter illorum percipit, sentit tamen subditus iugum
quoddam praesidentiae, a quo facile se absolvere nequit, imo timet
et reveretur vim illam, quam superioribus superiores angeli influunt
et terrore quodam inferiores in praesidentiae timorem inducunt.
Hoc sensisse videtur Homerus,

ubi ait Musas Iove genitas regibus
Iove genitis indivulsas semper comites assistere perque illas fieri eos
venerabiles et augustos; sic legimus M. Antonium olim cum Octa-
viano Augusto singulari amicitia iunctum, saepe una ludere solitos;
verum cum semper Augustus victor abiret, magum quendam M.
Antonium in hanc sententiam submonuisse: "Quid tibi, o Antoni,
cum adolescente isto? Fuge illum et vita: nam etsi tu natu grandior
et peritia rerum praestantior es, etiam genere illustrior et plurium
imperator bella multa exantlasti, tamen huius adolescentis genium
genius reformidat tuus et tua fortuna illius fortunae subblanditur;
Ni procul fugeris, tota ad illum defectura videtur". Nonne princeps
homo est caeteris hominibus similis? quomodo cum timerent et
revererentur caeteri homines, nisi terror divinus eum eveheret et
caeteris timorem incutiens eos deprimeret ut ipsum tanquam princi-
pem revereantur? Quare nitendum nobis est, ut expurgati recte
agendo sublimiaque sequendo, etiam tempora et loca oportuna
eligendo, sublimiorum potentiorumque angelorum gradu commit-
tamur, qui de nobis curam gerentes aliis merito praeferamur.>

<De obsequendo proprio genio eiusque natura indaganda. Cap. XXI>

<Sicut unaquaeque regio in coelestibus certam stellam coelestemque
imaginem obtinet, sibi prae caeteris influentem, ita etiam in super-
coelestibus certam nanciscitur intelligentiam, praesidentem atque
tuentem cum sui ordinis infinitis aliis ministris spiritibus sive daemo-
nibus, qui omnes communi vocabulo dicti sunt filii Elohim Sabaoth
בני אלהים צבאות, hoc est 'filii Dei exercituum'. Hinc, quoties bel-
lum aut stragem aut regni alicuius desolationem populique sub-

pagina successiva »

p. 462