Agrippa von Nettesheim, Heinrich Cornelius

De occulta philosophia libri tres

virginem generasse; et apud Mahometistas constans opinio est
plerosque, quos sua lingua Nefesogli vocant, occulto quodam divi-
nae dispensationis modo sine carnali coitu nasci, quorum vita iccir-
co mirabilis et impassibilis sit et velut angelica totaque supernatura-
lis. Sed illis nugis dimissis, solus rex Messias, 'verbum Patris caro
factum' Iesus Christus hoc arcanum revelavit, quadam temporis
plenitudine apertius manifestaturus. Mentem propterea persimilem
sibi, ut cecinit Lazarellus in Cratere Hermetis,

Sermonemque homini iam genitor dedit
Ut diis consimiles parturiat deos
Sensu desuper indito.
Foelix ille nimis, qui sua noverit
Sortis munera, perfecerit et libens:
Inter nanque deos connumerandus est
Nec diis est superis minor.
Hi fati reprimunt quaeque pericula
Morborumque fugant perniciem procul;
Hi dant somnia praesaga feruntque opem
Aerumnis hominum dantque mala impiis;
Dant praeclara piis praemia, sic Dei
Complent imperium patris
Hi sunt discipuli, hi sunt filii Dei.
Qui non ex voluntate carnis,

"nec ex voluntate viri nec menstruatae,
sed ex Deo nati sunt". Est autem univoca generatio, in qua filius
est patri similis omnimoda similitudine et in qua genitum secun-
dum speciem idem est cum generante. Atque haec est potentia
verbi a mente formata in subiectum dispositum rite suscepti, veluti
semen in matricem ad generationem et partum coaliti; dico autem
'dispositum' et 'rite suscepti', quia non omnia eodem modo
verbi participes evadunt, sed alia aliter. Et haec sunt de recondi-
tissimis naturae secretis, de quibus non est aliud publice pertrac-
tandum. >

pagina successiva »

p. 513