informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

corroborat, suppositus trahit; iaspis sanguinem comprimit; echineis
navem sistit; rabarbarum choleram depellit; chamaeleontis iecur in
summis tegulis exustum imbres et tonitrua excitat; heliotropius lapis
visum perstringit et gestantem invisibilem reddit; lyncurius lapis
praestigia ab oculis aufert; lipparis suffitus omnes bestias evocat;
synochitides umbras inferorum educit; anachitides divorum
imagines apparere facit; ennectis somniantibus suppositus oracula
reddit. Est herba aethiopica, qua ferunt siccari stagna et clausa
omnia aperiri; et latacem herbam legimus a Persarum regibus dari
legatis, ut quocunque venissent rerum copia abundarent; est et herba
spartanica sive scythica, qua gustata vel saltem in ore detenta, fe-
runt Scythas dudodecim dies fame et siti durare. Et dicit Apuleius
se a numine edoctum multa herbarum et lapidum genera esse, qui-
bus homines etiam perpetuam vitam sibi contribuere possunt: sed
fas non esse scientiam eorum homines cognoscere, qui cum parvum
tempus viventes malis avide studeant et nullum non scelum au-
deant, si prolixitatem temporis accipiant neque diis ipsis parsuros.
Verum undenam sint hae virtutes, nemo ex his prodidit, qui de re-
rum proprietatibus ingentia volumina ediderunt — non Hermes,
non Bochus, non Aaron, non Orpheus, non Theophrastus, non
Thebith, non Zenothemis, non Zoroaster, non Evax, non Diosco-
rides, non Isaac Iudaeus, non Zacharias Babylonius, non Albertus,
non Arnoldus; et tamen omnes hi fassi sunt, quod Zacharias ad
Mithridatem scribit, magnam vim et humana fata lapidum her-
barumque virtutibus inesse. Unde igitur haec veniant altior specula-
tio requiritur. Opinatur Alexander Peripateticus, a suis sensibus et
qualitatibus non discedens, haec ab elementis earundemque
qualitatibus provenire: quod forte verum putari posset nisi quali-
tates illae sint eiusdem speciei, operationes autem lapidum multae,
nec in specie, nec in genere convenientes. Ideo Academici cum suo
Platone ideis rerum formatricibus has virtutes attribuunt; Avicenna

pagina successiva »