Agrippa von Nettesheim, Heinrich Cornelius

De occulta philosophia libri tres

solitos et ad relictas uxores ingredi libidinemque perficere; ad quod
evitandum et quo amplius uxores non infestent, legibus municipali-
bus cautum est surgentium cor clavo transfigere totumque cadaver
exurere. Miranda proculdubio sunt haec et opinioni forte inimica
videri possent, nisi fidem facerent et latae leges et creditae antiquita-
tum historiae. Neque demum a christiana religione alienum est ani-
mas multas ante universae carnis resurrectionem suis corporibus res-
titui posse, quin et multos credimus singulari Dei beneficio cum
corporibus in gloriam adsumptos, multos etiam vivos descendisse in
infernum; audivimusque non raro mortuorum corpora e sepulchris
per daemones sublata, proculdubio non in alium usum quam in car-
cerandis torquendisque suis manibus. Verum ad hos corporum car-
ceres et vincula accedunt etiam vilissimorum ac teterrimorum loco-
rum habitacula, ubi Aetnei ignes, aquarum ingluvies, fulgurum et
tonitruorum concutus, terrarum voragines atque ubi regio lucis
inops nec radiorum Solis capax ignaraque syderum splendoris per-
petuis tenebris et noctis specie caligat. Quo apud Homerum per-
venisse fertur Ulysses ubi canit:

Cymmerios fama est populos hic esse, cavernis
Perpetua nebula caecaque caligine mersos,
Quos oriens nunquam nec cum declinat in undas
Sol videt, aeterna miseri sed nocte premuntur.
Neque vero omnia illa inanes nugae sunt quae de Patricii antro,
Vulcani speluncis, Aetneis crateribus, Nursiae specu multi memo-
ria prodiderunt atque quae inibi viderunt et cognoverunt testati
sunt. Narrant siquidem istis maiora Saxo Grammaticus de Geruthi
regia et Ugarthiloci cavo, tum Plinius, Solinus, Pythias, Clearchus
de maris septentrionalis stupendis prodigiis, de quo et Tacitus

in
Drusi historia germanico pelago deviasse milites indicat et varia re-
rum miracula in eo mari illis visa testatur, vini scilicet turbinum, in-
auditas volucrum species, monstra maris ambiguas formas habentia
hominum atque animalium; et in libro De Germania

Heldusios et

pagina successiva »

p. 530