informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

animum, ut ex ignorantiae tenebris repente ad sapientiae et doc-
trinarum lumina evehatur. Est e converso facultas immundos et in-
credulos reconditis quibusdam arcanis eodem sapientiae et doc-
trinarum dono rursus exuere et pristinae suae ignorantiae
restituere.> Potest etiam animus humanus, teste Apuleio, praeser-
tim simplex et purus, sacrorum quorundam avocamento ac
delinimento soporari et externari ad praesentium oblivionem, ita ut
remota corporis memoria redigatur in naturam suam divinam atque
sic divino lumine lustratus ac furore divino afflatus futura rerum
praesagire, tum etiam mirabilium quorundam effectuum cum hoc
suscipere virtutem. Unde inquit Iamblichus: "Cum vates dei nu-
mine afflantur nihil timent, nihil verentur: nam per invia vadunt at-
que in ignem illaesi feruntur et flumina transeunt". Sic legimus an-
tra quaedam, ut Apollinis et Trophonii, et tripodas <et specus et
fontes> et lacus et eiusmodi hoc modo diis sacrata vel eo mysterio
fabricata fuisse, ut exinde sacerdotes vaticinandi spiritum hauserint,
quemadmodum Iamblichus ad Porphyrium: "Sybilla — inquit — in
Delphis duplici ratione deum suscipere solita est: aut enim per
tenuem spiritum et ignem, qui alicubi ex ore antri prorumpebat; aut
ipsa etiam in adytu sedens super aeneam sellam tripodem numini
dicatam et utrobique hoc divino spiritu acta, vaticinia fundebat;
tum plurimus ignis ex antro volans vati undique circumfunditur
eamque suo numine repletam agitat aut sacrae sedi adhaerens per
quam deo afflata protinus ad vaticinia erumpit. Sed et vates fatidica
in Branchis quae in axe consedit aut virgam manu gestat a numine
sibi aliquo concessam vel pedes interdum lymbumque undis proluit
vel ignis vaporem ex undis haurit; his omnibus divino splendore
repletur a deoque plena rerum pandit oracula". Legimus etiam in
Thraciae regione adytum fuisse Libero sacrum, ex quo vaticinia et
oracula reddi solebant, cuius templi antistites vino affatim epoto res
peragebant. Apud Clarios etiam, ubi Clarii Apollinis templum erat,

pagina successiva »