informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

naphtha trahit ignem prosilitque in eam undecunque visam; similiter
aproxis herbae radix e longinquo attrahit ignem ut naphtha. Et simi-
lis inclinatio est inter palmam masculinam et foeminam, quarum
cum ramum unius ramus alterius tetigerit, complicant se in mutu-
um amplexum, <nec fructum fert foemina absque masculo; et
amygdala solitaria minus foecunda est; amant vites ulmum et opium
et oliva myrtum mutuo diligit; similiter oliva et ficus.> In animali-
bus vero amicitia est inter merulam et turdum, cornicem et ardeo-
lam, inter pavones et columbas, turtures et psitacos; unde scribit
Sappho ad Phaonem:
Et variis albae iunguntur saepe columbae
Et niger a viridi turtur amatur ave.
Rursus amici sunt musculus et balena. <Nec solum animalium inter
se amicitia est, sed etiam cum aliis rebus ut cum metallis et lapidi-
bus> et cum vegetalibus: sic feles sive catus gaudet nepeta herba, ad
cuius affricationem concipere traditur et defectum rnasculi supplere;
et equae in Cappadocia se flatui venti exponunt atque ex eius afflatu
et attractu concipiunt; sic ranae, buffones, serpentes et quaecunque
venenosa reptilia gaudent in planta quae apium risus dicitur, de qua
ferunt medici: si quis comederit, ridendo moritur. Rursus testudo,
quando venenatur a serpente, comedit origanum et confortatur per
illud; et ciconia in serpentum pastu origano sibi salutem quaerit; et
mustela pugnatura contra regulum comedit rutam: unde cognosci-
mus origanum et rutam virtutem possidere contra venena. Sic in

pagina successiva »