informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

ut nihil sibi ducant pestilentius.> Rursus inter animalia dissentiunt
mures et mustelae: unde caseos, si cerebrum mustelae coagulo
addatur, negant a muribus attingi nec corrumpi praeterea vetustate.
Sic scorpionibus contrarius est stellio in tantum, ut visu quoque
pavorem eis afferat et torporem frigidi sudoris; itaque in oleo
putrefaciunt et interficiunt cum eo ictus inungentes scorpionum. Est
etiam inimicitia inter scorpiones et mures, quare etiam mus sup-
positus puncturae scorpionis curare eam traditur: <inimicantur
etiam scorpius et stalabores, aspides et ichneumones.> Fertur quo-
que serpentibus nihil aeque adversari quam cancros suesque percus-
sas hoc pabulo sibi mederi: Sol etiam cum sit in Cancro torqueri ser-
pentes. <Etiam scorpius et crocodilus se mutuo perimunt et, si quis
crocodilum ibidis penna tangat, immobilem reddet. Otidis avis evo-
lat viso equo et cervus fugit viso ariete, fugit etiam visa vipera;
elephas audito grunnitu suis et leones viso gallo timent; et pantherae
non attingunt perunctos iure gallinarum, praecipue si allium ei
fuerit incoctum; est etiam inimicitia inter vulpes, cygnos, tauros et
cornices. Inter aves quoque perpetuum bellum gerunt cornices et
noctuae, milvus et corvus, pitalles et turtures, bicuthus et pagrus,
clorius et turtur, aegepii et aquilae, cervi et dracones. Inter aquatilia
etiam inimici sunt delphines et balenae, cestris et lupus, muraena et
congrus>; item polypum in tantum locusta pavet, ut si iuxta videat
omnino moriatur; locustam congri, rursus polypum congri lacerant.
Pantheris quoque esse in metu hyaena dicitur, ut ne conentur
quidem resistere et aliquid de corio eius attingere; et si pelles utri-
usque contrarie suspendantur, ferunt decidere pilos pantherae
<dicitque Orus Apollo in Hieroglyphicis: "Si quis hyaenae pelle suc-
cinctus medios feratur in hostes, a nullo laeditur et intrepide

pagina successiva »