informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

genus aromatis, ignorabiliter laminis literatis et infelicium navium
durantibus clavis, defletorum, sepultorum etiam, cadaverum expo-
sitis multis admodum membris: hic nares et digiti, illic carnosi clavi
pendentium, alibi trucidatorum servatus cruor et extorta ferarum
dentibus trunca calvaria. Tunc decantatis spirantibus fibris litat
vario latice, nunc rore fontano, nunc lacte vaccino, nunc melle mon-
tano libat et mulsa. Sic illos capillos in mutuos nexus obditos atque
nodatos cum multis odoribus dat vivis carbonibus adolendos; tunc
protinus inexpugnabili magicae disciplinae potestate et caeca numi-
num coactorum violentia illa corpora, quorum fumabant stridentes
capilli, spiritum mutuantur humanum et sentiunt et audiunt et am-
bulant et, quo nidor suarum ducebat exuviarum, veniunt et pro illo
iuvene Boeotio aditum gestientes fores insiliunt".
<Augustinus quoque perhibet se in Italia audivisse mulieres quas-
dam veneficas artibus adeo imbutas, ut dato caseo statim homines
converterent in iumenta quae necessaria portarent et hos, finito
opere, in homines iterum restituerent.>

De quorundam veneficiorum admirandis virtutibus. Cap. XLII

Nunc vero narrabo quaedam veneficia ut horum exemplo sit parata
via ad totam hanc considerationem. Ex eis igitur est sanguis men-
struus, qui quantas in veneficio vires habeat videamus. Nam, ut di-
cunt, acescunt eius superventu musta novella, vitis eius tactu in per-
petuum laeditur, sterilescunt tactae fruges, moriuntur insitae,
exuruntur hortorum germina et fructus arborum decidunt, speculo-
rum fulgor aspectu ipso hebetatur et acies ferri in cultris tonsoriis
eborisque nitor perstringuntur, etiam ferrum rubigine protinus cor-
rumpitur; aes etiam contactum grave virus diri odoris accipit et

pagina successiva »