informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

consentaneae ad divinam inspirationem suscipiendam nos ac-
comodant: <sic dicunt quod suffitus ex semine lini et semine psyllii
et radicibus violae et apii facit videre res futuras et confert ad
prophetiam.> Quantum vero suffumigationes in aërem possint
nemo miretur, qui sentiat cum Porphyrio certis quibusdam vapori-
bus a propriis suffumigationibus exhalantibus aëreos daemones sta-
tim allici et insinuari, tonitrua et fulmina induci et similia: que-
madmodum iecur chamaeleontis in summis tegulis ustum constat
imbres et fulmina incitare; similiter caput et guttur, si roboreis lignis
accendatur, imbrium et tonitruum concussus facere. Fiunt etiam
suffumigationes sub opportunis stellarum influxibus facientes dae-
monum idola in aëre vel alibi protinus apparere. <Sic inquiunt, si
ex coriandro et apio sive hyoscyamo cum cicuta fumigium fiat, dae-
mones statim congregari — hinc illas herbas spirituum vocant.
Similiter dicunt, si ex radice cannae ferulae cum succo cicutae et
hyoscyami et tassi barbassi et sandalo rubeo ac papavere nigro facta
confectione fiat suffitus, facit apparere daemones et figuras ex-
traneas; et si istis additum fuerit apium, fugat daemones ex omni
loco et destruit idola illorum; simili modo suffitus, factus ex
calaminto, paeonia, menta et palma Christi, omnes malos spiritus
et noxia phantasmata propellit.> Praeterea certis suffumigiis
quaedam animalia congregari vel fugari tradunt, sicut de lipare
suffito refert Plinius omnes bestias evocari; sic e summo gutture
cervi ustis ossibus congregari serpentes, cornu vero cervino suffito
fugari; idem faciunt pennae pavonum suffitae; similiter, accenso
pulmone asini, venenata omnia fugere; ungula equi suffita in domo
aliqua effugari mures; idem fieri ex ungula mulae; muscas quoque
ea fugari, si de sinistro pede fuerit. <Et dicunt quod, si suffumigetur

pagina successiva »