Agrippa von Nettesheim, Heinrich Cornelius

De occulta philosophia libri tres

aspicere, quale ego novi ex felle hominis et oculis catti nigri et ex
quibusdam aliis rebus conficere; simile huic etiam ex sanguine
upupae, vespertilionis et hirci conficitur; <et dicunt: "Si inungatur
speculum chalybeum cum succo arthemisiae et fumigetur, facit in
eo videre invocatos spiritus".> Sic fiunt etiam quaedam suffumiga-
tiones vel inunctiones quae faciant dormientes loqui, ambulare et
exercere opera vigilantium atque etiam quandoque quae vigilantes
vix possint vel ausint; quaedam nos faciunt audire sonos horrendos
vel delectabiles nusquam praesentes et eiusmodi. Haec eadem causa
est cur maniaci ac melancholici credunt se ea videre vel audire ex-
trinsecus, quae non nisi intrinsecus imaginatio phantasticatur: hinc
timent non timenda et in suspiciones mirabiles ac falsissimas
incidunt et fugiunt nemine persequente, irascuntur et luctantur
nemine praesente, timent ubi non est timor. Cuiusmodi passiones
etiam magicae confectiones inducere possunt per suffumigationes,
per collyria, per unguenta, per potiones, per veneficia, <per lam-
pades et lumina, per specula, per imagines, incantamenta et car-
mina, per sonos et concentus ex certorum animalium nervis certa
harmonia constantibus, etiam per varios ritus, observationes,
ceremonias, religiones et superstitiones, sicut haec suis locis trac-
tabuntur. Neque solum his artificiis eiusmodi passiones, appari-
tiones et imaginationes inducuntur, sed etiam res ipsae atque
homines revera permutantur et in varias formas transfigurantur,
sicut de Proteo, Periclimeno, Acheloo et Metra Erisichtonis filia
narrant poëtae: sic

"Circe socios mutavit Ulyssis" et quondam in
Iovis Lycaei sacris, gustatis sacrificiorum extis, homines in lupos
vertebantur, quod dicit Plinius accidisse cuidam Demarcho. Putat

pagina successiva »

p. 171