Agrippa von Nettesheim, Heinrich Cornelius

De occulta philosophia libri tres

idem Augustinus;

narrat etiam se, dum esset in Italia, accepisse
quasdam foeminas, dato viatoribus veneficio in caseo, eos in iumen-
ta vertisse rursusque, cum portassent quae voluissent onera, in
homines restituisse idque patri cuidam Praestantii nomine tunc
accidisse; et ipsae sacrae literae testantur

magos Pharaonis mutasse
virgas suas in dracones et aquam in sanguinem et alia quaedam.>

De alligationibus et suspensionibus physicis. Cap. XLVI

Anima mundi quando per suam virtutem omnia vel naturaliter
generata vel artificialiter facta foecundat, infundendo ipsis proprie-
tates coelestes ad aliquos mirabiles effectus quos operantur, tunc res
ipsae (non solum applicatae per suffumigationes vel collyria vel un-
guenta vel potiones vel aliquo eiusmodi modorum, verum etiam
quando convenienter involutae alligantur vel e collo suspenduntur
vel alio quovis modo supponuntur vel levissimo contactu appro-
ximantur) suam nobis imprimunt virtutem. Per has itaque alliga-
tiones, suspensiones, involutiones, suppositiones contactusque cor-
poris et animae accidentia mutantur in aegritudines, in sanitates,
in audaciam, in timorem, in tristitiam, in laetitiam et similia et
reddunt gestantes gratiosos vel terribiles, acceptos vel reprobatos,
honoratos et dilectos vel odiosos et abominabiles. Passiones
autem eiusmodi per supradicta infundi non secus arbitrantur quam
in insitionibus arborum manifestum est, ubi virtus vitalis transfun-
ditur a trunco in surculum illi insitum, cum alia ligatura, quam con-
tactu, sibi invicem non haereant: sic in palma foeminina, quando
appropinquat ad masculinam, rami eius declinant ad masculum et

pagina successiva »

p. 172