Agrippa von Nettesheim, Heinrich Cornelius

De occulta philosophia libri tres

De annulis et eorum compositionibus. Cap. XLVII

Annuli etiam, quos semper magnifecit antiquitas, quando oppor-
tune fabricantur, simili modo suam in nobis promunt virtutem,
quatenus gestantem eiusque spiritum afficiunt laetum vel tristem,
mansuetum vel terribilem, audacem vel timidum, amabilem vel
odiosum; etiam quatenus muniunt nos contra aegritudines, venena,
hostes, cacodaemones et contra quaevis alia noxia, vel nos obligant
eisdem. Modus autem construendi annulos eiusmodi talis est: quan-
do videlicet stella aliqua ascendit fortunata et a Luna foeliciter
aspecta vel sibi coniuncta, debemus lapidem herbamque huic stellae
subditam accipere atque annulum ex metallo huic stellae conformi
fabricare et in eo lapillum infigere, herba vel radice subiecta; de-
nique inscriptiones imaginum, nominum, characterum, praeterea
suffumigationes non praetermittere: sed haec alibi discutiemus, ubi
de imaginibus et characteribus tractandum erit. Sic legimus apud
Philostratum Iarcham,

sapientum Indorum principem, septem an-
nulos hac lege confectos et septem planetarum virtutibus ac nomini-
bus insignitos tradidisse Apollonio, quos ille singulis diebus singulos
gestaverit iuxta dierum nomina distinguens; <quorum beneficio ipse
supra annum centesimum ac tricesimum vixerit, insuper et iuventae
nitorem semper retinens.> Simili modo Moses, Hebraeorum legis-
lator ac princeps, in Aegypto magia imbutus, annulos amoris et ob-
livionis confecisse legitur <apud Iosephum.

Erat etiam, narrante
Aristotele,

apud Cireneos annulus Batti, gratitudinis atque honoris
habens argumentum. Legimus insuper Eudamum quendam philo-
sophum annulos contra serpentum morsus, fascinationes atque

pagina successiva »

p. 174