Agrippa von Nettesheim, Heinrich Cornelius

De occulta philosophia libri tres

tum spiritus est, scilicet vapor quidam purus, lucidus, subtilis, a cor-
dis calore ex puriori sanguine generatus. Hic similes sibi radios per
oculos semper emittit; radii isti emissi vaporem spiritalem secum
ferunt, vapor ille sanguinem, sicut apparet in lippis ac rubentibus
oculis, cuius radius usque ad obvios spectantis oculos emissus
vaporem una secum corrupti sanguinis trahit, cuius contagione
cogit spectantis oculos morbo simili laborare. Sic patefactus et in ali-
quem intentus oculus cum forti imaginatione pro suorum radiorum
aculeis, qui spiritus vehicula sunt, ipsos in adversos oculos ia-
culatur; qui quidem lentus spiritus fascinati diverberans oculos, cum
a percutientis corde incitatur, percussi praecordia tanquam regio-
nem propriam sortitus, cor vulnerat et spiritum inficit peregrinus
hic spiritus. Unde Apuleius:

"Isti — inquit — oculi tui per meos ocu-
los ad intima delapsi praecordia, acerrimum meis medullis commo-
vent incendium". Scias itaque homines tunc maxime fascinari,
quando frequentissimo intuitu aciem visus ad aciem dirigentes oculi
oculis reciproce inhiant, radii radiis copulantur et lumina luminibus
iunguntur, tunc spiritus spiritui iungitur et scintillas defigit, sic for-
tissimae ligationes, sic amores acerrimi solis oculorum radiis accen-
duntur etiam vel repentino quodam intuitu <veluti iaculo seu ictu
totum corpus penetrante: undo tunc spiritus et sanguis amatorius sic
vulnerati non aliter in amantem et fascinantem feruntur, quam
sanguis et spiritus vindictae alicuius caesi prolabuntur in caeden-
tem. Undo Lucretius de his amatoriis fascinationibus cecinit:

Idque petit corpus mens unde est saucia amore
Nanque omnes plerunque cadunt in vulnus et illam
Emicat in partem sanguis quaque icimur ictu
Et si cominus est hostem rubor occupat humor.>
Tanta est fascinationis potentia, praesertim quando affectui vapores
oculorum subserviunt. Iccirco utuntur fascinantes collyriis, unc-
tionibus, alligationibus et huiusmodi ad spiritum tali vel tali modo

pagina successiva »

p. 181