informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

praesentaneum remedium certissimo semper experimento comper-
tum habuerunt, si flante adhuc vento gallum gallinaceum album
duo viri diversum trahentes discerperent medium et uterque suam
partem retinens vineta perlustrarent, quousque circuitu peracto ad
eum ex quo moverant loco ambo sibi obvii rediissent tuncque eo loci
gallinacei frusta defodissent.> Tradunt etiam, si quis viperam in
vaporem baculo sustineat, eum futura praecinere; baculum quoque,
quo angui rana excussa sit, parturientibus auxiliari. Haec Plinius
ipse recitat. Iubent etiam in colligendis radicibus et herbis tribus cir-
culis ante gladio circunscribere, postea effodere, cavere praeterea
contrarium ventum; item dicitur quod si quis mensuraverit hominem
mortuum cum fune, primo a cubito ad maiorem digitum, deinde ab
humero ad eundem digitum et postea a capite usque ad pedes,
faciendo ter omnes istas mensurationes, si alius quispiam postea
cum eodem fune simili modo mensuretur, ferunt illum improsperari
et infortunari ac cadere in calamitatem et tristitiam. Et narrat
Albertus <ex Chyrannide> quod, si qua mulier te ligavit maleficiis
in amorem suum, accipe camisiam suam et per capucium et per
manicam eius dextram minge foras et dissolvetur maleficium. Et
narrat Plinius quodadsidere gravidis vel cum remedium alicui ad-
hibetur digitis pectinatim inter sese complexis, veneficium esse idque
compertum Alcumena Herculem pariente: peius autem fore si circa
unum ambove genua id fiat; similiter poplites alternis genibus impo-
nere veneficium est ideoque haec in consiliis ducum potestatumque
fieri vetitum, velut omnes actus impedientia. <Et dicitur si quis ante
ostium stans nomine vocet cum muliere iacentem atque ille respon-
deat, si tunc aut cultrum aut acum infigat ostio frangatque acie
dimissa, non poterit iacens coire cum illa quam diu haec ibi
fuerint.>

pagina successiva »