Agrippa von Nettesheim, Heinrich Cornelius

De occulta philosophia libri tres

transit te, sed antequam perveniat ad te vel tu ad eam alicubi pauset,
te vidente, a dextris tuis: est tibi signum bonum. Scimasarvetus est
augurium quando vides post te hominem vel avem a dextro latere
pausantem: est tibi signum malum. Scassarnova est si videris post
te hominem vel avem, sed antequam perveniat ad te vel tu ad eam
pauset in loco, te vidente: signum est tibi bonum. Scassarvetus est
si videris hominem vel avem praetereuntem et in loco pausantem a
sinistro latere: signum est tibi malum. Emponenthem est quando
homo vel avis, veniens a sinistris et transiens ad dextram, evanescit
a conspectu tuo absque quod videas repausantem: signum est tibi
bonum. Hartenam augurium est si homo vel avis a dextris veniens
post terga tua transiens in sinistram viderisque eam alicubi pausan-
tem: hoc signum est malum". Haec Scotus hactenus.
Augurabant etiam veteres ex sternutamentis, quorum meminit
etiam Homerus in Odyssea

libro decimo septimo, quia putabant illa
procedere ex loco sacro, videlicet capite in quo viget et operatur in-
tellectus: unde et sermo quicunque mane surgenti inopinato in
buccam mentemve venerit, praesagium et augurium aliquod habere
traditur.>

<De diversis quibusdam animantibus el aliis rebus, quam in auguriis
significationem habeant. Cap. LIV>

<Prima quaeque auspicia in operis cuiusque initio accipienda sunt:
ut si vestem tuam in initio operis a soricibus corrosam senseris, de-
sine ab incoeptis; si egrediens offenderis in limine aut in via im-
pegeris pedem, contine iter; si quid mali ominis in principio
negotiorum tuorum tibi occurrerit, differ incohata ne vel tota inten-
tio frustretur aut inutiliter compleatur, sed expecta donec omine
meliore faustam agendis arripias horam. Videmus animalia per-
multa ex vi quadam ipsis a natura insita praestigiosa atque fatidica:
nonne gallus cantu horas solertissime indicat et alis apertis leonem
fugat? Aves complures cantu et garritu, muscae acri puntura

pagina successiva »

p. 189