informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

Cygnus in auspiciis semper laetissimus ales.
Sunt praeterea oscivae aves, quae ore cantuque auspicium faciunt,
ut sunt corvus, picus, cornix; unde Vergilius:
Saepe sinistra cava praedixit ab ilice cornix.
Aves vero quae futura volatu portendunt sunt sicut buteones, san-
qualae, aquilae, vultures, grues, cygni et similes. In volatu nanque
considerantur, utrum tarde an festinanter volent, si quando ad dex-
tram vel ad sinistram volitent, quot numero insimul convolitent:
hoc modo grues, quando festinanter volant significant tempestatem,
quando silenter serenitatem; item quando duae aves simul con-
volant et ferales sunt, malum portendere dicuntur, quia numerus
confusionis est. Simili modo de caeteris investigabis, rationem de
numeris huc transferendo; praeterea similitudinem observare in his
coniecturis magistrale est, quemadmodum apud Vergilium dis-
simulata ipsa Venus filium Aeneam his carminibus edocet:
Ni frustra augurium vani docuere parentes,
Aspice bis senos laetantes agmine cygnos,
Aetherea quos lapsa plaga Iovis ales aperto
Turbabat coelo; nunc terras ordine longo
Aut capere aut captas iam despectare videntur:
Ut reduces illi ludunt stridentibus alis
Et coetu cinxere polum cantusque dedere,
Haud aliter puppesque tuae pubesque tuorum
Aut portum tenet aut pleno subit ostia velo.
Mirabilissimum autem augurandi genus est <eorum, qui audiunt et
intelligunt sermones animalium, sicuti apud veteres Melampus
et Tiresias et Thales atque> quo legitur excelluisse Apollonius

pagina successiva »