Agrippa von Nettesheim, Heinrich Cornelius

De occulta philosophia libri tres

Cessavere vices rerum dilataque longa
Haesit nocte dies; legi non paruit aether,
Torpuit et praeceps audito carmine mundus;
et paulo ante:

Carmen Thessalidum dura in praecordia fluxit
Non satis adductus amor ...;
et alibi:

Mens hausti nulla sanie polluta veneni
Excantata perit ...
Item Vergilius in Damone:

Carmina vel coelo possunt deducere Lunam,
Carminibus Circe socios mutavit Ulyssis,
Frigidus in pratis cantando rumpitur anguis;
<et:

Atque satas alio vidi traducere messes.>
Et Ovidius in Sine titulo inquit:

Carmine laesa Ceres sterilem vanescit in herbam.
Deficiunt laesi carmine fontis aquae
Ilicibus glandes cantataque vitibus uva
Decidit et nullo poma movente fluunt.
<Quae si vera non essent, non tam arcte statuta poena legibus sanci-
tum esset contra eos qui fruges excantassent.> Et Tibullus de qua-
dam incantatrice ait:

Hanc ego de coelo ducentem sydera vidi,
Fluminis haec rapidi carmine vertit iter

pagina successiva »

p. 238