informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

distribuitque singulis singulas virtutes. <Et Proclus ait: "Numerus
semper existit, alius tamen in voce, alius in rerum proportione, alius
in anima et ratione, et alius in divinis". Themistius vero et Boëthius
et Averrois Babylonius cum Platone sic numeros extollunt, ut nemi-
nem absque illis posse recte philosophari putent. Loquuntur autem
de numero rationali et formali, non de materiali, sensibili sive vocali
numero mercatorum, de quo Pythagorici et Academici et Augusti-
nus noster nihil curant; sed intendunt ad proportionem ex illo resul-
tantem, quem numerum naturalem et formalem et rationalem vo-
cant, ex quo magna sacramenta emanant tam in naturalibus, quam
divinis atque coelestibus. Per illum habetur via ad omnia scibilia in-
daganda et intelligenda; per illum habetur proximus accessus ad
prophetiam naturalem: atque ipse abbas Ioachim in prophetiis suis
alia via quam per numeros formales non processit.>

Quantas virtutes numeri possideant in rebus cum naturalibus tum trans-
naturalibus. Cap. III

In numeris itaque mirandam latere efficaciam et virtutem tam ad
bonum, quam ad malum non modo splendidissimi philosophi
unanimiter docent, sed etiam doctores catholici; prae caeteris Hie-
ronymus, Augustinus, Origenes, Ambrosius, Gregorius Nazianze-
nus, <Athanasius,> Basilius, Hilarius, Rabanus, <Beda> et plures
alii confirmant. Hinc Hilarius in Commentariis super Psalmos

pagina successiva »