Agrippa von Nettesheim, Heinrich Cornelius
De occulta philosophia libri tres
Iuro ego per sanctum pura tibi mente quaternum,
Aeternae fontem naturae animique parentem.
Item quatuor sunt flumina Paradisi, quatuor Evangelia — a totidem
evangelistis per universam ecclesiam recepta.> Hebraei praecipuum
Dei nomen quatuor literis scriptum acceperunt; similiter Aegyptii,
Arabes, Persae, Magi, Mahumetistae, Graeci, <Tusci,> Latini,
tantum quatuor literis nomen Dei scribunt, ita scilicet: Theut, Alla,
Sire, Orsi, Abgdi, θεόσ, <Esar,> Deus. Hinc Lacedaemonii sum-
mum Iovem quatuor auribus depingere solebant; hinc apud orphi-
cam theologiam fertur Neptunus quadriiuges currus impellere.
Quatuor quoque sunt divini furoris species, a singulis numinibus
procedentes, scilicet a Musis, Dionysio, Apolline et Venere. Item
Ezechiel propheta vidit quatuor animalia iuxta fluvium Chobar et
quatuor Cherubim in quatuor rotis; item apud Danielem quatuor
animalia magna ascendebant de mari et pugnabant quatuor venti;
item in Apocalypsi quatuor animalia plena oculis ante et retro
stabant in circuitu sedis Dei et quatuor angeli, quibus datum est no-
cere terrae et mari, stabant super quatuor angulos terrae, tenentes
quatuor ventos, ne flarent super terram neque super mare neque in
ullam arborem.
pagina successiva »
p. 265