Agrippa von Nettesheim, Heinrich Cornelius

De occulta philosophia libri tres

sima suae venerationis indicia <et vocatur numerus iuramenti: hinc
apud Hebraeos iurare dicitur septenare, quasi per septem obtestari;
sic Abraham, quando pepigit foedus cum Abimelech, statuit septem
agnas in testimonium>. Dicitur quoque numerus beatitudinis et re-
quiei; unde illud

... O terque quaterque beati,
scilicet in anima et in corpore; septimo quoque die Creator ab opifi-
cio quievit, quamobrem haec dies apud Mosen sabbathum appel-
latur, hoc est dies quietis; <hinc septimo die Christus in sepulchro
quievit>. Habet quoque hic numerus cum cruce, ut superius
demonstratum est, et cum Christo magnam communionem: in
Christo enim omnis nostra beatitudo, quies et felicitas. Estque
praeterea purificationibus aptissimus; unde Apuleius:

"Meque —
ait — protinus purificandi studio marino lavachro trado, septies sub-
mergo fluctibus capite"; <et leprosus quoque mundandus in Lege
septies aspergebatur passeris sanguine>; et Helizaeus propheta, ut
scriptum habetur Regum libro quarto, ait leproso:

"Vade et lavare
septies in Iordane et recipiet sanitatem caro tua et mundaberis"; et
sequitur paulo post:

"Et lavit se septies in Iordane iuxta sermonem
prophetae et mundatus est". <Estque numerus poenitentiae et
remissionis; hinc statuta septennis poenitentia pro quolibet peccato
iuxta Sapientis sententiam dicentis:

"Et super peccatorem sep-
tuplum"; septimo quoque anno fiebant remissiones et post quadra-
tum septenarium dabatur plena remissio, ut in Levitico legitur

; sep-
tem petitionibus consummavit Christus orationem expiationis

pagina successiva »

p. 276