informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

pyxide aeris et cum ea sulphur et carabe et capillos illius cui nocere
voluerant. In vicesima secunda pro securitate fugientium sigillabant
ex ferro imaginem hominis alatis pedibus, in capite galeam ferentis,
et fumigabant cum argento vivo. In vicesima tertia ad destructio-
nem et devastationem sigillabant ex ferro imaginem cati caput cani-
num habentis et fumigabant cum capillis canis et subhumabant in
loco ubi nocere praetendebant. In vicesima quarta ad multiplican-
dum greges armentorum accipiebant cornu arietis vel tauri vel hirci
sive illius armenti quod multiplicare voluerunt et sigillabant in eo,
cum sigillo ferreo inurentes, imaginem mulieris lactantis filium et
suspendebant ad collum illius armenti, quod erat dux gregis, vel
sigillabant in cornu illius. In vicesima quinta pro salute arborum et
messium sigillabant in ligno fici imaginem hominis plantantis et
fumigabant cum floribus fici et suspendebant ad arborem. In vicesi-
ma sexta ad amorem et gratiam sigillabant in cera alba et mastiche
imaginem mulieris abluentis et pectentis capillos suos et fumigabant
cum rebus bene redolentibus. In vicesima septima ad destruendum
fontes, puteos, thermas et balnea faciebant ex terra rubea imaginem
hominis alati, vas vacuum et perforatum in manibus tenentis et,
cocta imagine, ponebant in vase assam foetidam et storacem liqui-
dam et demergebant aut sepeliebant in puteo aut fonte, quem des-
truere volebant. In vicesima octava ad congregandum pisces sigil-
labant ex aere imaginem piscis et fumigabant cum corio piscis
marini et proiiciebant in aquam ubicunque pisces congregare
voluerant. Praeterea una cum imaginibus praedictis simul inscribe-
bant nomina spirituum et characteres eorum et invocabant et im-
precabantur ad id quod obtinere praetendebant.>

De imaginibus stellarum fixarum Beheniarum. Cap. XLVII

Caeterum nunc ex operibus stellarum fixarum <ex Hermetis senten-
tia> sub Capite Algol faciebant imaginem cuius figura erat caput
hominis cum longa barba, habens collum sanguinolentum: ferunt
conferre eventus petitionum, reddere gestantem audacem et ma-

pagina successiva »