Agrippa von Nettesheim, Heinrich Cornelius

De occulta philosophia libri tres

dominum temporis, dominum altum, magnum, sapientem, intel-
ligentem, ingeniosum, revolutorem longi spacii, senem magnae
profunditatis, arcanae contemplationis autorem, in cordibus homi-
num cogitationes magnas imprimentem vel deprimentem, omnia
destruentem et conservantem, vim et potestatem subvertentem <et
constituentem,> absconditorum custodem et ostensorem, facientem
amittere et invenire, autorem vitae et mortis. Sic Iupiter dictus
<quasi iuvans> pater, <rex coelicolum,> magnanimus, tonans, ful-
minator, <invictus, altipotens,> magnipotens, bonus, fortunatus,
dulcis, mitis, bonae voluntatis, honestus, mundus, bene ambulans
et in honore, dominus laetitiae et iudiciorum, sapiens, verax, osten-
sor veritatis, iudex omnium, omnes excellens in bonitate, dominus
divitiarum et sapientiae. Mars ipse dicitur Mavors, bellipotens,
cruentus, sanguineus, <armipotens, ensifer, magnanimus, audax,
indomitus, generosus, fulmineus,> fortis potentiae et impetuosae
festinationis, contra quem nemo defendere se potest si et obstare
velit, qui fortes et potentes destruit et reges de suis sedibus deponit,
dominus caloris et potentiae, dominus igneae calefactionis et pla-
neta sanguinis, qui corda litigantium incendit eisque audaciam
praestat et tribuit. Sol vocatur Phoebus, Diespiter, Apollo, Titan,
Pean, <Phanes, Horus, Osiris, ut est in oraculo illo:

Sol et Osiris item, Dionysius, Horus, Apollo
Rex et item retinet lucis qui et noctis habenas,
Qui ventos, qui dat imbres, qui tempora mutat,
Stellarum summus rex, immortalis et ignis;

pagina successiva »

p. 390