informazioni|progetto|link|home|

Agrippa von Nettesheim, Heinrich Cornelius

De occulta philosophia libri tres

nomen Hacaba הקבה extractum ex hoc versiculo: ברוך הקדוש
הוא, hoc est: "Sanctus, benedictus ipse"; similiter nomen Iesu
ישו comperitur in capitibus istorum duorum versiculorum, vide-
licet: יביא שלוהו לו, hoc est: "Quousque veniat Messiah", et in
alio: ינון שמו וית, id est: "Permanet nomen eius"; similiter hoc
nomen Amen אמן ex hoc versiculo: אדני מלך נאמן, id est: "Dominus
rex fidelis". Quandoque extrahuntur haec nomina a finibus dic-
tionum, sicut idem nomen Amen ex hoc versiculo: לא כן הרשעים,
hoc est: "Non sic impii", sed transpositis literis; sic in finalibus
huius versiculi: לי מה שמו מה, id est: "Mihi quid? Nomen eius
quid?" invenitur nomen Tetragrammaton: in his omnibus litera
ponitur pro dictione et litera extrahitur ex dictione, vel a capite vel
a fine vel ubilibet. Et quandoque extrahuntur haec nomina ex omni-
bus literis singulatim, quemadmodum extrahuntur illa septuaginta
duo Dei nomina ex illis tribus versiculis qui habentur in Exodo, in-
cipientes ab his tribus dictionibus: ויסע ויבא ויט, primo et ultimo
versiculis a dextra ad sinistram conscriptis, sed medio conversim a
sinistra ad dextram sicut in posterioribus ostendemus. Et sic quan-
doque extrahitur dictio a dictione, sive nomen a nomine, per trans-
positionem literarum (sicut Messiah משיח ex Iismah ישמח et
Michaël מיכאל ex מלאכי Malachi), quandoque autem per al-
phabetariam commutationem quam cabalistae Ziruph צירוף vocant
(sicut ex nomine Tetragrammaton יהוה eliciuntur nomina מצפצ
Mazpaz, כוזו Kuzu), nonnunquam etiam per numeri aequalitatem
nomina commutantur (ut Matattron מטטרון pro Sadai שדי: utrun-
que enim facit tercentum decem et quatuor; eadem ratione nomen
Iiai ייאי aequipollet nomini El אל per numeri aequalitatem: utrun-
que enim facit triginta et unum). Atque haec sunt arcana abscondi-
ta, de quibus difficilimum est adferre iudicium et completam tradere
scientiam: nec in ulla alia lingua quam in hebraica intelligi et doceri
possunt. Verum, cum divina nomina (ut ait Plato in Cratilo) habita
sunt a barbaris qui habuerunt a Deo, sine quo nullatenus quis
capere potest veros sermones veraque nomina quibus Deus nun-
cupatur, ideo de ipsis alia dicere non possumus, nisi quae a Deo

pagina successiva »