Agrippa von Nettesheim, Heinrich Cornelius

De occulta philosophia libri tres

improperatur illis in Deuteronomio,

quia servierunt diis alienis et
adoraverunt eos, quos nesciebant et quibus non fuerunt attributi.
Quin et Iesus Nave, post introductum populum in terram promis-
sionis et superatos hostes et distributas sortes possessionum Israël,
optionem dedit populo, ut eligerent numen quod colerent, inquiens:

"Optio vobis datur eligere hodie quod placet cui servire potissimum
debeatis, utrum diis, quibus servierunt patres vestri in Mesopota-
mia, an diis Amorrhaeorum, quorum terram habitatis"; respon-
dente autem populo:

"Serviemus Domino Tetragrammo et ipse erit
deus noster", dixit illis Iesus:

"Non poteritis, quia dominus Deus
Tetragrammus sanctus et fortis et aemulator est"; perseverante
autem populo ut servirent Tetragrammo, ait illis:

"Testes vos estis
quia ipsi eligeritis vobis Dominum, ut serviatis ei: auferte ergo deos
alienos de medio vestri et inclinate corda vestra ad dominum Deum
Israël"; erexitque lapidem praegrandem, dicens:

"Lapis iste erit
vobis in testimonium, ne forte postea negare velitis et mentiri domi-
no Deo vestro". Erant itaque dii, quibus attributae erant caeterae
gentes, Sol et Luna, duodecim signa caeteraque corpora coelestia
divinaque opificia, non tamen secundum quod corpora, sed quate-
nus eis inhaeret anima, universaque militia coeli et quam vocat Hie-
remias reginam coeli, hoc est virtutem qua coelum regitur, videlicet
animam mundi; de qua inquit Hieremias:

"Filii colligunt ligna et
patres succendunt ignem et mulieres conspergunt adipem, ut faciant
placentulas reginae coeli". Nec huius reginae caeterarumque coe-
lestium animarum cultus duliae illis prohibitus erat, sed latriae tan-
tum, quem qui adhibuerunt, reprobati sunt a Domino. Nomina vero
istarum animarum deorumve in praecedentibus narravimus; verum
quibus regionibus et populis et urbibus tanquam proprii et tutelares
dii adscripti fuerint partim referunt nobis Origenes, Tertullianus,
Apuleius, Diodorus et plerique alii historici. Coluerunt itaque sin-
guli populi propriis ceremoniis suos deos: Beotii Amphiaraum,
Aphri Mopsum, Aegyptii Osirim et Isidem, Aethiopes qui Meroën
habitant Iovem et Bacchum, Arabes cum Baccho Venerem, Scythae

pagina successiva »

p. 441