Ficino, Marsilio
Platonica Theologia de immortalitate animorum
sequentes Deum. Primis assignant Pythagorei sapientiam, secun-
dis opinionem
rectam, tertiis opinionem ancipitem. Unde colli-
gitur, quod saepe iam
diximus, animam nostram esse quodam-
modo omnia, ideoque omnium
viventium progressus in suis
visceribus continere. Non tamen omnes explicat sigillatim. Plura
enim operantur animae primae quam secundae; hae quoque
plura quam tertiae. Quamobrem licet non ad omnes, ad multos
tamen vitarum progressus anima hominis instituta videtur. Neque
violentia quadam illata extrinsecus neque discursu consilii de
vita transfertur in vitam, sed tali quodam naturali instinctu,
quali in hac vita suo quaeque tempore prodeunt, dentes, pili,
semen et reliqua.
Sicut enim in ipsa universi natura, sic in particularium anima-
rum
naturis aeterna quadam lege ordinata sunt singula pro-
deuntque ita in
actum, ut et sibi et universae naturae est
consentaneum. Certe una quaedam ex cunctis mundani animalis
membris fit harmonia, per quam singula singulis et universo
undique consonant. Ergo sicut ipsa mundi anima certis tempo-
ribus certa producit, sic et particulares animae seminibus insitis
tempore certo ad certas vivendi species naturaliter inclinantur
atque disponuntur. Ac dum paulatim praeteritae vitae affectus
actusque remittitur, vicissim vitae sequentis intenditur, confe-
rente singulis passim universi natura.
Meminisse vero oportet, quod quemadmodum docet liber de
Republica decimus, animae fato descendunt, id est quod gene-
rationem
appetant et tali quodam appetant tempore, ex natu-
rali instinctu
provenit ordini universi coniuncto, sed arbitrio
talem vitam eligunt aut talem. Quamvis enim vitam corpoream
prius naturaliter concupiverint quam cogitaverint, tamen talem
aut talem vitae speciem prius cogitant quam adsciscant. Pluri-
mum vero, inquit, eligere secundum prioris vitae consuetudinem
et affectus, qui habitus affectusque ex liberis quondam actibus
pagina successiva »
p. 742 [III, 162]